LA’ PER LA’:

LÀ PER LÀ POESIA DIVERTENTE di Lembo
Madonna comme chiove e scenne ‘st’acqua ‘a cielo
e tutto chestu gelo me trase dinto ‘e vene,
‘a quanno me’ lassato e aggio perso ammore
‘stu core puveriello nun trove chiù calore e nun vo’ arraggiunà.
E intanto l’acqua trase e perce tutte ‘e vestite,
me trase ‘ncuorpo oi bella,
Madonna che tragedia se’ fatta chesta vita,
cu te ca’ te ne juta e io stongo senza ‘mbrello.
Truvasse almeno apierto ‘nu portone,
addò me putesse schiovere e nu poco arreparà,
ma pure e guardaporte
se songo fatte tuoste ‘e core
e ‘e chisto ammore ‘nfuso nun proveno pietà.
Ca’ ce vulesse nu miracolo do’ cielo,
ca’ ‘o core me scarfasse là per là.
Che vedo che s’avanza, ma che signora fine
e tene pure o ‘mbrello è l’angelo ‘e stammatina.
“Signora deliziosa, guardate stongo ‘nfuso,
me disseve ‘nu passaggio? Salvatemi per carità.
Che dite… dove andate?
Ah! andate dal dottore,
e allora se permettete vi accompagno,
che ho tanto male al cuore.”