Views: 2
Ogn’anno pur’i’ faccio ‘o presepio;nun ‘o faccio pe mme ma p’ ‘e ccriature!Certo…e comme ‘o ppozzo negà,pure a mme piace, m’addeverto i’ pure.’O faccio pe mmantenè ‘a tradiziona,pecché m’addiverto e pe ddevuzione.È ll’occasione p’accuntentà ‘e nennille,però piace a ggruosse e ppiccerille.
Ogn’anno faccio nu ggiro p’ ‘o mercatosotto Natale vaco a ttruvà a Lliborio.Sta sempe llà…fa casa e pputeca:venne ‘e pasture abbascio San Gregorio.Llà mmiezo ‘o sguardo mio se sperdee nce trovo tutto chello ca mme serveE accussì…p’avé calore e ccumpagnia,ogn’anno faccio ‘o presepio â casa mia.Mme scarto tre scatulelle mpulverate:’e pasturielle arravugliate ‘int’â velina:funtane, casarelle, puteche, putechelle,ll’ovile, duje purcielle e cciento galline!Mponto a destra ce metto ‘a lavannara…ca quanno ‘o tiempo è bbello fa ‘o bbucato:lava ‘e panne spuorche dint’ô ruscello:cu ll’acqua fresca scerea ogni ppeccato.
A llume ‘e cannela na sartulella cose:sta appriparanno ‘o vestito pe na sposa.Ntanto ‘o sciuraro ca maje arriposa,apprepara ‘o bbouquet cu cciento rose.Po’ metto ‘e mellune appise ê ffune,caciecavalle e pprusutte p’ ‘e bbalcune.Chiano chiano vaco a fernì ‘e nciarmà;danno nu sguardo veloce a ccà e ‘a llà.Po’ comme faccio sempe tutte ll’anne,’e ccriature vaco arraccumannanno:”Ggesù bbambino nasce a Nnatale,chillo è ‘nu juorno assaje speciale!’
O venticinque se mette ‘int’a cunnulellae ll’ascarfano ‘o bbue e ll’asinello.”Faccio sempe ‘sta raccumannazziona,pecché già accamuffo ll’intenzione!N’avutata d’uocchie e dint’a nniente,’o presepio mio addeventa vivente.
‘E pasture accummenciano a ccammenàe ogni ccosa s’ha dda ghjì a ccercà.’A Madonna accumpare fra ‘e pasture:pe nniente ‘a vide pasculà nu gregge.’On Giuseppe….in arte falegname,bello e bbuono va mpaglianno ‘e ssegge.’E re mmage, mentre uno lassa e n’ato piglia,hanno perzo p’ ‘a via oro ncienzo e mmirra.Ogni ppastore e ogni ccosa s’è animata:’stu presepio mio è assaje movimentato.Che ce pozzo fa’…’o presepe mio è speciale,d’ ‘o primo a ll’urdemo è ssempe Natale!È Ggesù bambino nasce tutte ‘e juorne:a mmezanotte, ‘a matina, a mmiezujuorno.Quanno ‘e ccase so’ cchiene d’ammore…’e bbammenielle…nasceno a ttutte ll’ore.Giovanna Balsamo
